| 000 | : | nam a22 7a 4500 |
| 008 | : | 170508b ii 000 0 tam d |
| 245 | : | _ _ |a வாயிற்காவலர் |
| 300 | : | _ _ |a புராணச் சிற்பம் |
| 340 | : | _ _ |a கருங்கல் |
| 500 | : | _ _ |a இறைவன் குடி கொண்டுள்ள கருவறையின் வாயிலில் காவல் புரியும் துவாரபாலகர் |
| 510 | : | _ _ |a
|
| 520 | : | _ _ |a துவாரபாலகர் படிமம் திருக்கோயில்களில் கோபுர நுழைவாயிலிலும், கருவறை நுழைவாயிலிலும் அமைக்கப்பட்டிருக்கக்கூடிய காவல் தெய்வம் ஆகும். ‘துவாரா’ என்ற சொல் வாயிலைக் குறித்திடும் வடமொழிச் சொல்லாகும். இவ்வுருவம் கோபுரத்தின் மையப்பகுதியில் உள்ள சால சிகரங்களின் (கட்டக்கலைக்கூறு) இருபுறங்களிலும் காணப்படும். துவாரபாலகர்கள் படிமங்களின் கலை அமைதி என்பது மிகப் பிரம்மாண்டமாக அமைக்கப்பட்டிருக்கும். இதன் அச்சம் தரும் உருவத்தோற்றம், அச்சம் தரும் வட்ட விழிகள், தந்த பற்கள், கைகளில் ஏந்திய ஆயுதங்கள் போன்றவை இதன் பொதுவான கலை அமைதி ஆகும். இப்படிமம் அமைந்துள்ள கோயில்களுக்கு ஏற்ப இதன் தோற்றங்கள் மாறுதல்களுடன் காணக்கூடிய ஒன்றாகும். வரலாற்றுப் பின்னணியில் துவாரபாலகர்கள் படிமம் என்பது புத்தமத குடைவரைகளிலிருந்து தோற்றம் பெற்றது. குறிப்பாக கி.மு இரண்டு அல்லது கி.மு முதலாம் நூற்றாண்டில் ‘பித்தல் கோரா’ என்ற புத்தமதக் குடைவரையில் அலங்கரிக்கப்பட்ட தோற்ற அமைதியுடன் துவாரபாலகர் படிமம் காணப்படுகிறது. தொன்மப் பின்னணிகள், துவாரபாலகர் தோற்றத்திற்கு வேறு சில காரணங்களைக் குறிப்பிடுகின்றனர். குறிப்பாக சில துவாரபாலகர்களின் படிமங்களில் காணப்படும். கொம்புகளின் அமைப்பு ‘கோண்டா’ மற்றும் ‘நாகர்கள்’ என்ற தொன்ம குடிகளிடமிருந்து பெறப்பட்டதாகக் கருதப்படுகிறது. பல்லவர்களின் தொடக்கக்காலக் குடைவரையான மண்டகப்பட்டில் அமைந்துள்ள துவாரபாலகர்களின் படிமம் பல்லவப் போர்ப் படையிலிருந்த மல்லர்கள் என்போரின் வடிவங்கள் என ஆய்வாளர்கள் கருதுகின்றனர். இது போன்று தொன்மம் மற்றும் பண்பாட்டு பின்னணியில் காணப்படும் துவாரபாலகர் படிமங்கள் தல புராணத்தின் பின்னணியில் வைக்கப்பட்டன. தேவாலய வாஸ்து விதிமுறைகள், துவாரபாலகர் படிமங்கள் தொடர்பான செய்திகளை விளக்கியுள்ளது. திருக்கோயில்களில் காவல் தெய்வமாகத் திகழும் இப்படிமங்கள் பல்வேறு புராணக் கதைகள், பண்பாட்டுப் பின்புலங்களைப் பெற்று கி.மு 3 ஆம் நூற்றாண்டு முதல் இன்று வரையிலும் குடவறை மற்றும் கோயில்களின் நுழைவாயில்களில் அனைவரையும் வியப்படையச் செய்யும் வினோத உருவங்களாகக் காட்சி அளிக்கின்றன. சிவாலயங்களில் உள்ள துவார பாலகர்களுக்கு சண்டன், பிரசண்டன் என்ற பெயர்கள் வழங்குகின்றன. குன்னாண்டார் கோயில் குடைவரையின் கருவறை வாயிற் காவலர் தனது நீண்ட, அடர்ந்த சடைக்கற்றைகளை கிரீட மகுடத்தில் அடக்கியுள்ளார். தலையின் பின்புறம் இரண்டு கொம்புகள் காட்டப்பட்டுள்ளன. காதுகளில் பெரிய வளையங்கள் அணிந்துள்ளார். கழுத்தில் சவடியும், கைகளில் மூன்று அடுக்கு வளைகளும், முன்வளைகளாக கங்கணங்களும் அணிந்துள்ளார். ஊன்றியுள்ள தண்டத்தின் மேல் இடது கையை நீட்டி முழங்கை தண்டத்தில் படியுமாறும், வலது கையை மார்புக்கு குறுக்காக கொண்டு சென்று வலது உள்ளங்கையை தண்டத்தின் மீது வைத்துள்ளார். தண்டத்தில் (கதாயுதம்) நாகம் சுற்றியுள்ளது. இடையில் இடைக்கட்டுடன் கூடிய அரையாடை அணிந்துள்ள காவலர் வலது காலை ஊன்றி, இடது காலை வலது காலின் பின்னே குறுக்காக வைத்து கட்டை விரலை நிலத்தில் ஊன்றியபடி குஞ்சிதபாதமாக வைத்து நிற்கிறார். இடைக்கட்டின் முடிச்சு இருபுறமும் கட்டப்பட்டுள்ளது. கடி பந்தமும், கடி சூத்திரமும் முன் புறம் வளைந்து காட்டப்பட்டுள்ளன. |
| 653 | : | _ _ |a துவாரபாலகர்கள், வாயிற் காவலர், வாயிற் கணங்கள்,குன்னாண்டார் கோயில், குன்றக்குடி, குன்றக்குடித் தேவர், குன்றக்குடி நாயனார், குன்றப்பெருமாள், குன்றாண்டார், புதுக்கோட்டை குடைவரைகள், சிவன் குடைவரை, கீரனூர் குடைவரைகள், குன்னாண்டார் கோயில் சிற்பங்கள், சிவன் கோயில் சிற்பங்கள், சிவத்தலங்கள் |
| 700 | : | _ _ |a காந்திராஜன் க.த. |
| 752 | : | _ _ |a குன்னாண்டார் கோயில் |b கருவறை விமானம் மேற்குபுற தேவகோட்டம் |c குன்னாண்டார் கோயில் |d புதுக்கோட்டை |f கீரனூர் |
| 905 | : | _ _ |a கி.பி.8-9-ஆம் நூற்றாண்டு/முற்காலப் பாண்டியர் |
| 914 | : | _ _ |a 10.58168901 |
| 915 | : | _ _ |a 78.89790773 |
| 995 | : | _ _ |a TVA_SCL_000396 |
| barcode | : | TVA_SCL_000396 |
| book category | : | கற்சிற்பங்கள் |
| Primary File | : |
